La jot ka Lawkyntang Mawphlang, pan jingshai ka KHADC rNgin pynitynnad hadien ba la dep ka kam, jubab u Lyngdoh

Shillong,9 Naitung:
Ha ka 18 tarik u jylliew, 2015 ka KHADC lyngba ka tnad khlaw lyngba ka jingthoh na u Chief Forest Officer ka la pan jingshai na u Lyng doh ka Hima Mawphlang balei la pynjot ia ka Law kyntang kumba la mh ha ki kot khubor ba ka don ka jingpynjulor bad ka jingpynjot ia ka Law kyntang. Ha katei ka shithi ka la ong ba katkum ki kyndon jong ka united Khasi & Jaintia Hills (Management & Controll of Forest) Rules 1960 section 31 (a) & (b) ka la khang pyrshah ban pom dieng, lait noh tang haba lehniam leh rukom.
Kumjuh ruh ha ka 22 tarik u jylliew, 2015  u Lyngdoh ka hima Mawphlang u la ai jubab halor katei ka shithi ha kaba u la ong ba ka jingtei ka long kaba kyrkieh ban pyndep bad la pyntrei da ki bor mashin suda. Kumta hapdeng u bnai slap la hap ban trei ia katei ka jingtrei katkum ka jingkwah jong ka tnad PWD ban pyndep noh ia ka hapoh u risaw, 2015.
U Lyngdoh katei ka hima, u la ong ba ka la don ka jing ibynnud ia ka jingktieh jong ka madan bad ka jingduh jong ka jaka , hynrei ka hima bad ka tnad PWD ka la shim ia ka jingkitkhlieh ban pynbha biang bad ban pyn itynnad ia katei ka jaka kumba ka long ynda la dep ban pynbha ia ki surok kiba don ha khmat ka Law Lyngdoh ( Law Kyntang).
Shuh shuh katei ka hima ka la jubab,  ba ha kaba iadei bad ka surok kaba na Mawphlang kaba leit shadien ka Law Kyntang kaba don ki jaka rep ki paidbah nong Mawphlang bad ka don ruh ka Mawshyieng jong ka Khmah Lyngdoh Mawphlang , ka la ong ba ka  dei ka surok kaba la don lypa ba la shna da ki longshwa bad la pynbha manla u snem da ki paidbahh nongshong shnong.
 Ka la ong biang ba mynta u snem la ioh ban pynbha bad siang rong ia katei ka surok da ka jingiarap ka tnad PWD bad kam shym la don ka jingpom dieng kawei ruh na ka Law Lyngdoh (Law Kyntang), hynrei ka don ka jingpynheh bad tih ia ki mawsiang na ka jaka jong ki riew shimet syndah ka Law kyntang kaba la shah sngewbha da ki trai jaka  bad ka la ong ba la tih ruh ia katei ka surok khnang ban kiar ia ki dieng na ka Law Kyntang bad ka dei ruh ka jaka ba long khun bad la pom katto katne ki dienrit kiba mih halor ki mawsiang kiba donkam ban tih bad pynbeit bad kaba la don ka jingpeit lang na ngi ki nongsynshar bad ki riew rangbah ia baroh kitei ki jingtrei.