La ioh pyllait im ia ka samla Khasi kaba shah rahbor

Shillong: La pyntip ba ia ka samla khasi, kaba la shah rahbor, la ioh pyllait noh ia ka hynnin ka sngi bad la aiti ia ka, sha ki kmie ki kpa jongka.

Ka Khasi Students Union ka ai khublei ia U SP Hailakandi lem bad ki pulit, kiba la ioh ban pyllait im ia katei ka hep rit. Ka KSU, ai khublei ruh ia U Ma Wanbor Pdang, nogialam ka BVKJWO, U Sanjoy Phonglo, General secretary Barak valley Tribal Rights protection Front lem bad kiwei de kiba la iarap lem ban wad ia katei ka thei samla khasi, ong ka kyrwoh khubor, na u Ma Morningstar Suja, President KSU Barak valley circle,Assam.

Katei ka khynnah kynthei Khasi, kaba dang 15 snem ka rta, kaba dang pule Class 10, ka la shah rahbor ha ki katto katne ngut ki khar Muslim kiba na Bangladesh, ha ka 5tarik Naiwieng 2019 ha ka shnong Nagracherra. Katei ka khynnah samla, ka dei kaba na ka shnong Paloicherra.

Katei ka khynnah, ka shah rahbor, katba ka dang shong shuti bad ka hynmen jongka, ha katei ka shnong Nagracherra, ha Hailakandi District jong ka Jylla Assam, kaba hap ha Lala Police Station.