Shillong: La ioh ia ki dur jong ki trok kit dewiong, kiba la shon dur da ka kong Agnes Kharshiing bad ka Amita Sangma, ha ka 8tarik Naiwieng 2018, ha shwa ka por 12baje nohsngi, ha shwa ba kin leit sha Lad Rymbai Police Station. Ha kawei ka dur, la iohi ia ka kong Agnes, kaba ieng bad kaba shon dur ia kitei ki trok kit dewiong.
Kitei ki dei ki dur, kiba ka Amita, ka la phah sha ki paralok jongka, hadien ba la dep shen, ha ka 8tarik Naiwieng, hynrei mynta, kitei ki dei ki dur kiba donkam bad kiba long ruh kum ki sakhi ha ka jingtohkit halor ka jingshah shoh jong kitei ki arngut ha Sohshrieh bad nangta kaba sakhi ruh halor ka jingtih dewiong beain ha katei ka sngi.
[ha ka dur harum la iohi ba ka kong Agnes, ka dang shondur ia ki trok kiba iaid bad kiba kit dewiong beain]
