La hun ki MLA, myntri, ym don shuh ba thlia, ong u  Narayanaswamy

Shillong, 26 Iaiong:
U General Secretary ka AICC ba peit ia ka Meghalaya u  V Narayana swamy u la kam ba ki MLA bad ki myntri sor kar ka Congress ha kane ka jylla ki la hun lut bad kim don shuh kiba dang thlia bad ia kane la iapynbeit ha ka jingialang ba don lang u President ka MPCC bad u Myntri rangbah. ”Ia kane ka kam la iapynbeit ha ka jingialang kaba don lang u myntri rangbah, u president ka MPCC Bah DD Lapang, ki myntri sorkar, bad ki MLA”, la kam u  Narayanaswamy haba kren sha ki nongthoh khubor ha kane ka sngi Saitjain.
Katkum ka jingong jongu, kane ka dei ka kam iing jong ka party bad ki MLA bad ka sorkar bad kam don eiei shuh kaba ki iathnum namar ba la iapynbeit.
U la ong ba katto katne ngut ki MLA ki la iakynduh ia u bad ki la pynpaw ia ka jingsngew hun hadien ba la pynlong ia ka jingialang hapdeng u Myntri Rangbah bad u President ka MPCC. U la ong ba ka Coordination Committee ka la ban jur don ka jingiatreilang bad ban don ka jingiadei kaba iajan hapdeng ki MLA bad ki myntri ha ki sngi ban wan.
U Narayananaswamy  u la ong ba ka Committee ka la iakren bad ki myntri sorkar, ia ka jingtrei jongki.
U la ong ba kam don ka jingiakren ban pynhap ne pynkiew shuki iano iano hynrei la iakren ban trei bad ban shim ia ka jingkitkhlieh.