La dep jied ia 3,4 tylli ki jaka, ban kynriah ia kiba sah ha Them Iew Mawlong, ong u myntri

Shillong: Mynhynnin ka sngi, na ka liang ka tnat pynroi sor, ka la pynlong ia ka jingialang ban ia kren halor ka jingwad ia ki jaka ban pynkynriah ia ki briew kiba sah ha Themiew Mawlong (Harijan Colony).

Haba ia kren bad ki lad pathai khubor na ka liang u Myntri u ba dei peit ia ka tnad Urban Affair u bah Sngiawbhalang Dhar u la ong ba ka jingpynlong ia ka jingialang, ka long ban wad ia ki jaka na ka bynta ban pynkynriah ia kine ki briew na Them iew mawlong. “Ka jingwad ia ki jaka ka dang iaid shakhmat bad ngam pat lah ban ong mynta ha kano ka jaka ban gin lah ban pynkynriah noh ia ki bad mynta ka sngi ngi la pynlong ia ka jingialang ban ia kren halor kane ka bynta”.

U Bah Dhar u la kdew ruh ba ka jingbym treh bad ka jingkyntait jong ki briew ban ai jaka ia kine ki briew ba sah ha them iew mawlong ka wanrah jingeh ia ka sorkar ba kan pynurlong ia kane ka mat . U la iathuh na ka liang ka tnad Uraban Affair, ka la dep ban jied ia ki lai lane saw tylli ki jaka ki ban lah ban pynkynriah ia ki briew basah ha Them iewmalong.