La bthah ha U CS ban wad jaka ia ki nongdie madan

Shillong:U Symbud myntri rangbah ka jylla u bah Prestone Tynsong u la iathuh ba ha Ka jing ialang ka ba la long mynta ka sngi ka sorkar ka la bthah ia u Chief Secretary jong ka sorkar jylla ba un wad ia ki jaka na ka bynta ban ai ia ki briew ki ba kamai jakpoh da kaba dei jingdie ha madan.

U bah Prestone u la iathuh ruh ba na ka liang ka sorkar kan sa pynbna ha kine ki khyndiat sngi, ynda la ithuh ia ka jaka na ka bynta ki nongdie madan khnang ban weng ia ka jingeh ia ki nongleit nongwan bad ban ailad ruh ia briew ba kin kamai ia ka jakpoh.

Ha kawei ka rai ba ka sorkar jylla ka la bthah ia ki Deputy Commissioner jong ki District ba kin peit ba lada ka la long ki lah ban ailad ban plie noh ia ki jaka kilan met kum ki gym bad yoga.