La biang ki bor pahara, wat tieng, ong ka sorkar Halor ka pakhang ophis ka HNLC

Shillong, 7 Jymmang:
Ka sorkar Megha laya ka la ong ba ki paidbah khamtam ki nongtrei sorkar kim dei ban tieng ia ka pakhang ophis ka seng lehnoh ka HNLC namar ba ka sorkar ka la pynbiang ia ki bor pahara.
Ka HNLC ka la pyn bna ba kan khot pakhang ophis saw sngi ha ka 8, 9, 12 bad 13 tarik Jymmang lada ka sorkar kam pynlait noh ia u President ka HANM Bah Lamphrang Kharbani bad saw ngut kiwei pat kiba shah kem na Rangthong halor ka jingkynnoh ba ki donkti bad ka seng HNLC.
U Acting chief secretary ka jylla u Bah PBO Warjri u la khot kyrkieh ia ka jingialang bad ki nongtrei tnad sorkar jylla bad sorkar pdeng ha kane ka sngi Balang ban pyn thikna ba ki nongtrei kim dei ban sngap ia ka jingkhot pakhang ophis ka HNLC. U Bah Warjri u la iathuh ba ka sorkar jylla ia ki ba kiei kiei

ki iaid beit bad la khmih lynti ba baroh kin plie kumba ju long. U la ong ba ki nongtrei na ki ophis sorkar jylla bad sorkar pdeng ki la pynpaw ba ki kloi ban leit trei.
Ka sorkar jylla ka la pynmih ia ka jingbthah sha baroh ki nongtrei sorkar ban leit trei beit ha kine ki sngi khlem pep, bad lada ki pep kin shah pynshitom.
U Bah Warjri u la maham ba haba ki nongtrei ki pep khlem ki daw ba biang, yn khein ba ki pep khlem ioh bor bad yn shah pynshitom katkum ka ain.