La arsnem, ym pat plie ia ka iew Lyngkhat, khlem leh eiei ka sorkar

Shillong:Ki nongshong jong ka Lyngkhat, kaba dei kawei na ki shnong ba don ha khappud jong ka India bad Bangladesh.

Ka Hat Lyngkhat, ka dei ruh ka iew kaba ki ki nongshong shnong jong kane ka thaiñ ki die ia ki mar rep ki jongki, hynrei hadien jong ka jing khang dam, na ka jingpang khlam kobid, kam shym la don kano kano ka jingpyrshang, na ka liang jong ka sorkar ban ban pyn khie im biang ia kane ka iew, kumba ju long, ha ki por ba mynshwa.

Ki nongshong iew ha kane ka hat, ki kyrpad na ka por sha ka por ban plie biang ia ka hat lyngkhat, khnang ba ma ki ruh kin ioh lem ban kamai ja kpoh.

U Rangbah shnong barim jong ka shnong Lyngkhat, u Bah String Khongtiang, u la iathuh ruh ba u MLA ba mynta jong ka Pynursla kontitwensi, uba dei ruh u symbud myntri Rangbah jongka jylla meghalaya, u Bah Prestone Tynsong um juh wan peit bad jngoh, tang shisien ruh ia kane ka hat.
Une u Rangbah u la iathuh ruh ba um dei tang ma u ba duhnong, hynrei ki nongshong,ki nongshong iew bad nongthied nongpet baroh lang.
Haba iadei bad ki jingdie kum u kwai, tympew bun kiba shu bret ei lut, namar ym don iew bad ka bai kali ban leit die sha Pynursla ka long kaba rem bad kam don jingmih eiei ruh em haba ym don hi ka iew.
Na ka liang jong ka TMC, ka pynrem jur ia kane bad ka buh jingkylli hato kat u symbud myntri Rangbah jong ka jylla Meghalaya um lah mo ban pyni sha ka sorkar MDA, ia ka jingshah ktah jong ki paidbah bad ka long ka jinglehrain ha kontitwensi u symbud myntri rangbah ban iohi bad tip ia kum kine kiei kiei kiba ktah shisha ia u paidbah ba duk ba suk .