Khliehriat: Ka Bor District ha East Jaintia Hills lyngba ka hukum u District Magistrate, la shah ia baroh ki jait niam ban pynlong ia ka jingpyniathoh shnong kurim ha ki iing Mane, Mandir bad kiwei kiwei ki jaka hynrei da kaba buh ryntih pat ia ki kyndon jong ka tnad ka koit ka khiah bad ka sorkar naduh ka social distancing bad kiwei kiwei ki kyndon.
Ki ba haiing hasem bad ki paralok jong kito kiba iathoh kim dei ruh ban palat ia ka shi bynta na ka lai bynta ka jingngiam ka jaka pyniathoh da kaba iajngai ruh haduh 5 phut uwei na kawei pat.
Kito kiba iathoh pat ha ki Hotel lane ki hall kan long katkum ka jingbtah ka sorkar kmie lyngba ka tnad Home Affair bad kim dei ban palat ia ka 50 ngut.
Ban pynlong ia kano kano ka jingpyniathoh shong kurim, kin hap ruh ban iohbor na ka Ophis jong u Deputy Commissioner.
Phi don ban ong eiei?