Jowai, 14 Rymphang: Uwei u samla uba la tip kyrteng kum u Riki Phawa na ka shnong Kyndongtuber u la jahrngai na la iing naduh ka 24 tarik u Nailar u snem ba la dep.
U kni jong utei u samla u ma Drak Phawa u la iathuh ba utei u Riki Phawa u dei uba [bteng sla 7]
ju trei da kaba bud trok bad niah trok bad u myllien ban jah na iing da ki bnai, hynrei ha kane ka kynti haduh 6 bnai ruh um shym la wan mih shuh sha iing.
Hynnin ka sngi Saitjain, utei u kni u la leit ban ujor noh da ka ejahar sha ki pulit ha Phramer.
Ha kajuh ka por, ki pulit na Khliehriat pat ki la pyntip ba ki la lap ia kawei ka metiap kaba sdien ha u tyllai phasi naduh u bnai September u snem ba la dep ha Lumshnong.
Namar bym don ba wankam ia katei ka met, ki pulit ki la tep noh ia ka. “Ngi la pyntip sha ki ba haiing jong utei u Riki ba kin wan mih sha thanad ba kin jurip ia ki jain kiba ngi la buh bha na ka bynta ban ithuh ioh lehse kadei ka met jong utei u ba la jah rngai”, la ong uwei u sahep pulit.
Phi don ban ong eiei?