Shillong 16 Risaw: Ka seng Hynniewtrep Integrated Territorial Organization (HITO) Mawryngkneng circle ryngkat ki nongshong shnong ba pura jong ka shnong Nong Hali haka 16 tarik Risaw 2024, kila hiar ban jurip ia ka surok bala sah shrah la 15,16 snem ei ei, hadien bala tih trei naduh u snem 2008 bad tad haduh mynta khlem iohi pat ban pyndep iaka surok PWD naduh thad nongtyrkhang shaduh lumsohjah.
Ha kane ka jingjurip ka seng la lap bad sakhi ba ka surok ka la sniew tasam haduh katta katta.
Ka seng ka la pynpaw ka jingsngewkhia ha ka ba iadei bad kane ka surok namar ka sorkar kam shem la peit ne phah shna Ia kane ka surok ka ba la don haduh da ki khad snem mynshwa hymrei haduh mynta ka dangaah beit kumjuh.
Ka sorkar kadei ban mang pisa noh ban shna Ia kane ka surok namar sha kane ka thain ki don bun ki nongrep bad tang ba sniew palat ka surok ki nongrep ki shem jynjar ban kit ban bah namar ka surokniew ka surok, bad ka seng ka la kyrpad ruh Ia u MLA jongki ban pynpeit lem na ka bynta ka bha ka bniat jong u paidbah ka thain.
Kumta ki la kyrpad Ia ka sorkar ba sngewbha ban khmih lem bad peit Ia ka surok bad ban shna noh kh kloi namar tang ban iaid kali ruh kam long shuh ka ba la pynjynjar Ia ki nong shong shnong hi baroh kawei.
Phi don ban ong eiei?