Kyrshan skul ka KCSSS ia ka khun kiba iap bam tit

Shillong, 9 Jymmang:
Ka Khasi Cultural & Social Service Society ka kyrshan skul ia i heprit Larihun Rapthap na ka bynta ka pule ka puthi na bynta une u snem. Katei ka heprit ka la kynjoh sha ka 5 snem karta, ka dei na ka shnong Mawsawa kaba don harum Mawsynram. Ha ka taiew ba la dep u samla Banshai Marbaniang u Chairman -cum- Programme Coordinator ki la leit aiti ia ka song pisa, jain skul , ki kot pule bad kiwei.
Itei i heprit i dei iba la duh noh ia ki kmie ki kpa jong ki kiba la khlad kyndit na ka daw ka jingbam tit khlaw. Ka kmie jong i ka dei ka kong Darisda Rapthap bad u kpa dei u bah Synsharlang Dewkhaid -baroh 2 ngut ki la khlad noh na ka daw ka jingbam tit. Katei ka seng ka la dawa na ki bor sorkar kumjuh ruh ia ka Commission for Protection of Child Rights ban iarap ia katei ka heprit.