Kyrshan sa U bah Ardent, ban weng ia U James Sangma, na ka tnat bor ding

Shillong: U nongialam rangbah Jong ka Revolution “iada la ka Ri “u bah Ardent Miller Basaiawmoit mynta ka sngi u la pynpaw ia ka jingkyrshan halor ka jing dawa ban thung da ka kynhun tohkit ka ba lait luid haba dei bad ka kynrum kynram ka ba don hapoh ka MeECL bad kumjuh ruh ban weng noh ia Myntri ka tnad bording u James P.K Sangma.

Na ka liang u bah Ardent u la pynpaw ba ka jing mih ki kynrum kynram bad ka jing jyllei ki kam bamsap hapoh ka MeECL ka dei ka dawbah ba pynlong ia kane ka tnad ba kan tlot ka jing pynmih bording bad kane kala pynlong iaka ban hap ban thied bording naki company ba kynthup kum ka NEEPCO bad kiwei kiwei.

U bah Ardent u la pynpaw ruh ba ki jing bym lah ka MeECL ban treikam bha kala wanrah iaki jait jing iakhih na ki nongtrei naduh ki ophisar bad ki engineer bad dei halor kane la donkam daka kynhun tohkit ba lait luid ban lap iaka jing shisha halor ka jing bym lah ka MeECL ban pynmih bording. U la pynpaw shai ba na ka liang jong ka Revolution ka kyrshan ia ka jing dawa jong u general secretary ka United Democratic Party (UDP) ban thung ka kynhun tohkit ba lait luid ban lap ia ka jing shisha halor ka MeECL bad kumjuh ruh ban weng noh ia u Myntri ka tnad bording, u James PK Sangma na kane ka tnad.