Kyrshan PDF U bah Latiplang, kiew ka jingbun paid

Shillong, 29 Nailur:
Ha ka jing kylla sain pyrthei ha KHADC u MDC ka Nong thymmai u Bah Latiplang Khar kongor u la leit kyrshan noh ia ka liangsynshar PDF ba la ialam da ka Congress  ha ka jinglong Chief Executive Member (CEM) Bah Pynsh- ngaiñ N Syiem.
U Bah Latip lang u la iasoh bad ka PDF ha kane ka sngi Hatmajai.
Ka jingkyrshan jong u Bah Kharkongor kan pynkhlain shuh ia ka Executive Committee (EC) ka KHADC.
“Nga la rai ban ai ia ka jingkyrshan ba khlem buh kyndon ia ka Executive Committee (EC) ka  PDF hapoh ka jingialam u Bah Pyn shngaiñ N Syiem,” la ong u Bah Latipalang ha ka shithi ba la thoh sha u CEM.
U Bah Latiplang u dei uwei na ki MDC ba kyrshan ia u Bah Ardent Miller Basaiawmoit uba kyrshan ia ka MUDA.
Ha ka jingpynlait khubor, u  MDC ka Nongthymmai u la ong ba u la hap ban iakhun ia ka sorkar jylla kaba thmu ban knieh ia ki jaka ba hap hapoh u pud u sam ka Council.
‘Nga long uba la kloi ban kyrshan ia ka sorkar jylla lada ka lah ban pyni ia ki kot ki sla ba ka Council ka la dep pdiang ban pyntreikam ia ki ain ka MUDA shabar ka Municipal”,la ong u Bah Latiplang.