Kyrshan pakhang surok ka Bataw

Shillong,27K’lyngkot:
Ka Bataw Border Welfare Association jong ka thain(Southern Border Areas) East Jaintia Hills District, ka la pynpaw ba ka seng ka ai ka jingkyrshan ba pura ia ka pakhang surok miet ki saw seng ka ba kynthup ia ka seng AJYWO,KSU,FKJGP bad ka HNYF jaintia hill ka ban sdang naduh ka miet 27 bad 28 tarik mynta u bnai halor ka jingsniew ba palat pud jong ka surok NH44 naduh Mookyndur shaduh Malidor.
“Ngin kyrshan ia ki jingiakhih jong ki saw seng tad haduh ban da urlong bad peit shkor hi ka sorkar na ka bynta ban Maramot noh ia u surok NH44 tang ban pynsuk ia ki paidbah” ong u vice-president ka BBWA u samla S.Suchiang , u samla W.syrti Sports secretary jong ka seng BBWA u la khot bad kyntu jur ia ki paidbah bad kumjuh ruh ia ki seng bapher pher hapoh Jaintia ban iasnohktilang ha katei ka jingiakhih pakhang surok miet jong ki saw seng khnang ba ka jingdawa ban Maramot noh ia ka surok NH44 kan long ka seisoh.