Shillong,17 Nailur:
Ka Sawsymper Su mo Driver & Owner Association (SSD&OA) ka la ai jingkyrshan ba pura ia ka pakhang shnong bad pakhang ophis ha ki thain ka Mawsynram bad Balat ba la khot da ka seng Hyn niewtrep Achik National Movement ha ka 19 tarik mynta u bnai.
U Finance Secretary katei ka seng ki nongniah kali U Bah Join Kharbani, u la ong ba ka Synjuk ka ai jingkyrshan kaba pura ia kane ka jingiakhih jong ka seng HANM, kaba la dawa ba dei ban pyllait noh shisyndonia ki dkhot ka seng kiba la shah kem tang na ka daw ba ki la khynra ia ki mynder kiba thmu ban leit bylla sha Borsora -nongjri khlem i kot ki sla kiba biang.
“Ka jingiakhih ka long kaba don nongrim namar ki dkhot jong ka seng HANM kiba la shah kem ha ki pulit kim shym la leh ia ki kam sniew ne leh ia kaba bakla. Hynrei kidei ki samla kiba peitngor ia ka jaitbynriew bad ia ka jingwan rung kyrthep jong ki bar jylla khamtam sha ki thaiñ Nongjri bad Borsora,” ong u Bah Kharbani.
U Bah Kharbani u la ong ba kam myntoi ia ki nongniah kali kitei ki thain ba ioh kit ia ki bar jylla tang haka shi sngi katba lashai ynda ki la syaid ki sa long ki nongknieh wat ia kam ka jam jong ki. “Ngim pyrkhat tang ia ka mynta, hynrei ngi pyrkhat ruh ia ka pateng ban wan.” Ong u Bah join Kharbani.
Shuh shuh, utei u nongialam ka seng ki nongniah kali u la pynrem jur ia ki ar ngut ki nongniah kali kiba la leit ban ujor pyrshah ia ki nongialam jong ka HANM Balat Circle ha kaba dei lyngba katei ka jingujor jong ki ba la kem ia u President katei ka seng.
“Kine ki briew ki dei tang ki khwan myntoi shimet khlem da pyrkhat shuh ia ka jaitbynriew” pynkut u Bah Kharbani uba la pynpaw ruh ba ka Synjuk ki nongniah kali ka la dawa ba dei ban pyllait noh mardor ia ki dkhot ka HANM kiba la shah kem.
Phi don ban ong eiei?