Kyrshan pakhang shnong ka HPF ha Ri Bhoi District

Nongpoh, 17 Jymmang:
Ka Hynniewtrep People’s Federation (HP F), Ri Bhoi District Unit ka ai ia ka jingkyrshan kaba pura halor ka jing khot pakhang shnong kaba 12 kynta ha Ri Bhoi District da ka Dorbar ki Rangbah Shnong jong kane ka district.
Ka Dorbar ki Rangbah Shnong Ri Bhoi District ki la pynbna ia ka pakhang shnong ha ka 19 tarik mynta u bnai ban pynpaw ia ka jingpyrshah kaba jur ia ka Ordinance bad ruh ban dawa pyntreikam noh da ka Village Administrative Bills (VAB).
U president ka seng u Bah Vicky Syngkli bad u general secretary Bah u Bah C Jana, ki la phah ia ka kyrwoh ban kyrshan ia kane ka pakhang shnong ha katei ka sngi.  Ki la pyrshah jur ia ka jingthaw  ka sorkar jylla  ia  ka ‘Ordinance’ bad ki la dawa ba dei ban pyn treikam noh da ka Village Administration Bill  kaba la dep pdiang da ka Khasi Hills Autonomous District Council (KHADC) , ym ban pyrshang tap eitmiaw ban pynslem ia ka jingpynlong ain ia ka VAB.
Ki la pynpaw ia ka jingsngew khia jur ia ka jingshah sloit iktiar jong ki rangbah shnong kaba la buh jingeh ia ki paidbah.