Kyrshan KAS, ka HYC

Shillong, 28 Iaiong:
Ka Hynñiewtrep Youths Council ka ai ka jingkyrshan ba pura ia ka prokram ba lah pyniaid da ka Khasi Author Society (KAS) ka ban pynshai paidbah bad iaid pyneh Rngiew ia ka ktien Khasi ha ka 5 tarik Jymmang 2017 naduh ingdorbar Jaiaw Shyiap, Shillong ha ka por 11.30baje mynstep haduh madan studen Jaiaw. Kumta na ka liang ka Council ka khot iawer ia baroh ki Hynmen ki para, ki longkmie longkpa bad ki Samla pule bapher bapher jong ka Bri Hynñiewtrep ban ia mih paidbah ha katei ka sngi kaba khraw tam kaba lah Ialam da ka KAS khnang ba ngin pyni sha ka pyrthei ka jingialong kawei kum ka jaitbynriew halor lane ka ishu ba kongsan Tam.
Lyngba kane ka khubor, ka Council ka khot bad wer run ia ki nongmihlhmat paidbah haduh u MP, ki MLA ki MDC ka Bri Hynñiewtrep lada ki don shisha ka jingkitkhlieh ia ka ka ktien Khasi ba kin wan iasnohkti lang ha kane ka jingiaid paidpyneh rngiew jong ka jingdap 175snem ka jingioh ia ki dak thoh Khasi.
“Ngi ngeit skhem ba lyngba kane ka prokram kan plie ia ki khmat khmat kiba matlah, ki shkor kiba kyllut bad ka rymmiang shyntur bym mamg kren ki nongthawain kiba u paid Hynñiewtrep ula jied la jan 50 snem duna”.
Kyntang iawai ka seng ka kitbok kitrwiang ia baroh ki ban iashim bynta ha katei ka sngi ba kin ia sei ruh iaki symboh pyrkhat na ka bynta ka jingiohnong jong ka jaitbynriew baroh kawei, ong ka ka kyrwoh na u Publicity Secretary HYC, samla Markos R Marthong.