Kyrshan ka Sohra Labour Union, ban iada coronavirus

Ka Sohra Labour Union ka kyrshan halor ka jingshimkhia ka Sorkar halor ban iada ia u khniang jingpang Novel Corona Virus bad ka seng ka ai ka jingkyrshan halor kane ka bynta.Ka seng ka sngewkhia bha halor ka jingud jingnam ki nongbylla ha kine ki por ba jynjar ban ioh bam bad bylla ka sngi.
Ka Seng ka kwah ban pynsngew katto katne iaka sorkar halor ka jingeh ki nongbylla ban iabit iabiang lang baroh ban nym don kano kano ka nohshiliang ia ki nongbylla, nongrep ba baroh kin ioh ia ka hok ka jong ki (Right of equality).

1.Ban iarap ia long ing kiba hap ha Rural Area ba kadei ban Peit lyngba ki job Card holder jong ka MGNREGA kiba lah registered ban ai lang ka bhah kumba ai ia kiba lah registered ha Meghalaya Building and construction namar bun ki nongbylla ki bym pat register ialade ha kane .Katkum ka jinglap bun ki Vec ki lah dep bad ym don bylla shuh namar lah kut artad ki Muster rool bad ruh ki don ki ba lah dep trei 100 sngi bad ruh don pat ki Vec ki bym trei kam ei ei kim don bylla kine baroh shano kin leit bad kin bam daei baroh kine kiba lah registered ha MGNREGA ki don ka hok ban ioh ka jingiap na ka Sorkar.

2.Ban iarap iaki longing kiba don ha Urban Area ka Sorkar ka dei ban peit na BPL Card bad ruh ban twad jingmut na ki Dorbar Shnong.

3.Ka sorkar ka dei ban peit ruh ia kito ki long ing baduk ki bym rung ha ka census 2011 kiba shongkha hadien kane namar kine ruh kim don card ei2 ban pynshisha ban ioh ia ka jingiarap .

4.Ban iarap ruh ia ki nongshong Dukan kiba ioh kamai tang 200 ne 300 shi sngi kum kiba die wai dong, die jhur, alumuri etc.

5.Ban iarap ruh ia ki riewtymmen ki anna bad iap lok lyngba kaba ki lah registered ka Scheme NSAP kaba ki ioh 500 Shibnai ha kane ka por ki don kam ka jingiarap.

6.Bad khatduh ban iarap kyrpang ia ki longkmie bad kynthei kiba pyndap hi iala ka ing ka sem da kaba ki shu bylla sngi ne shu rep namar bun napdeng jong ki ruh kim don card ei ei.

Ka seng ka sngewnguh ia ka Sorkar ba ka lah pynbna ba kan iarap iaki nongbylla ing kiba lah registered ha Meghalaya Building and construction workers mar 1000 tyngka shi taiew bad ka seng ka kyrpad ba ka sorkar kan pynbiang da ki marbam kum khaw ,phan ,umphniang ,dai ,shini etc namar bun hi ngi don kam iaka bam ym ka pisa ha kane ka por ba jynjar ka leit ka wan ban leit sei ka pisa ruh jynjar bad lah thied ruh jynjar khamtam ki thain nongkyndong.

Ka Sohra Labour Union ka kyrpad da ka sngewrit ia ka Sorkar ban leh ei ei iaki long ing baduk bad ka seng kam kwah ban mih surok ne pyrshah ei ei ha kum kane ka por hynrei haba ka kpoh ka thngan ym ban se ban thom da ka bor namar haba ym biang ka bam ruh ngin iap hi.

Teilang Lyndem