Kyrshan ka RJD, ia ka JD(U)

Patna, 22 Jymmang:
Ka seng RJD, ka la rai ban ai jingkyrshan mynta ka kynti, ia ka sorkar JD(U), kaba la ialam da U Jitan Ram Manjhi, uba dei uwei na ka jaitbynriew ba poh jong katei ka Jylla.
U nongialam jong ka RJD, U Abdul Bari Siddiqui, u iathuh mynta ka sngi, ba ka seng jongu, kan kyrshan ia ka sorkar jong ka JD(U).
“Ka RJD, kan kyrshan ia ka sorkar JD(U), ban ialam da U Manjhi,” ong U Siddiqui. Ka RJD, ka don 21ngut ki MLA, ha ka iing dorbar, kaba 243ngut ha ka iing dorbar Jylla. U myntri rangbah ba thym mai, uba shimti ia katei ka kam, na U Nitish Kumar, u iathuh, ba u sngewhun ia ka jingkyr shan jong ka Rashtriya Janata Dal.
Ka seng JD(U), ka don 117ngut ki MLA bad mynta, ka don ruh ka jingkyrshan jong uwei u dkhot jong ka CPI bad ar ngut ki MLA shimet.