Kyrshan ka MPUF ia ka JSU

Shillong, 25 Nailar:
Ka seng Meghalaya Peoples’ United Front, ka ai ka jingiaroh ia ka Jaintia Student union halor ka jingkyrshan jong ka ia ka seng ban iakren shaphang ka NEHU ha ka shnong Wahiajer namar kane ka long ka mat kaba donkam eh na ka bynta jong ki samla pule. Kum ban shu pynkynmaw ba na ka liang jong ka MPUF ha ka 11tarik Jylliew 2013, ka la iakren bad ki Rangbah Shnong jong ka Wahiajer ban ai ia ka jaka ban tei ia ka tei ka campus bad ka seng ka dap da ka jingsngewnguh ia ka shnong Wahiajer ba ka la ai sngewbha ia kane ka jaka bad hadien nangta ka seng ha ka 14tarik Jylliew 2013, ka seng ka la phah ia ka dorkhas sha u member of Parliament ka Shillong Seat u Vincent H. pala ban tuklar lem halor kane ka mat. Ym tang katta na ka liang jong ka seng ha ka 22tarik Iaiong 2015, ka la ia kynduh ruh ia u president ba ha khliehduh jong ka BJP u Amit shah ryngkat bad ka dorkhas halor kane ka juh ka phang ha kaba naka liang ka jongu u la pynsngew ha ka seng ba un iakren halor kane bad ka HRD Minister. Ka seng lada donkam kan leit hi ruh da lade sha Delhi halor kane ka kam khnang ba ki samla jong ka Ri- bad ka jaitbynriew kin ioh shibun ki jingmyntoi na kane ka skulbah.