Shillong: Ka jingialang jong ka Mawthei Khlieh Umtrew Joint farming cooperative Society, kaba don hapoh Umsning C&RD Block, Ri Bhoi District bad kaba kynthup ia ki dkhot kiba bun na kiba bun ki Shnong, ka la pynlong ia ka jingialang ha ka 26 tarik Risaw 2019 ha Khlieh Umtrew, ha kaba ka la shim ia ka rai ban pdiang ban iatrei lang bad ka Seng Nongrep ka Hill Farmer Union (HFU), kum shi bynta ban nang pynkhlain ia ki kam rep jong ka Seng.
Ha katei ka sngi hadien ba la ioh ia ka jingbatai halor ki kam kiba la society ka la pyrshang iaid la bun bun snem, la jied thymmai biang ia ki nongkitkam ha kaba la jied thymmai ia ka Kong Rosemerry Kurbah kum ka Chairman bad la jied biang ia u Bah John F Kharshiing, kum u Secretary, Kong Baiamon Rynjah Asst Secretary, u Bah Washington Wahlang, Treasurer bad hynniew ngut kum ki executive member.
Ka jingialang ka Society ka la rai ban khot sngewbha ia ki rangbah nongialam jong ka Seng Nongrep Hill Farmer Union (HFU) ban wan pynshai ia ka nongrim treikam jong ka Seng.
Ka jingialang ka la rai ruh ban wer ia baroh ki dkhot ka Society ban ia mih ha ka sngi kaban sa pynbna hadien ban pynkhuid ia u pud u sam ka jaka society ha u bnai nyngkong jong u snem 2020.
Phi don ban ong eiei?