|
Shillong: Ka KSU South West Khasi Hills District lyngba ka kyrwoh na u samla Michael Dingan, Asst. General Secretary ka seng ka ai iaka jingkyrshan pura iaka jingdawa jongka Mawkyrwat Electricity Consumers Forum (M.E.C.F ) ba ka MePDCL ka dei ban sei madan ia ka jingiasoi soskular ne Memorandum of Understanding jongka bad ka kompani Feedback Energy Distribution Company Limited (FEDCO) ha shwa ban aiti ia ka jingpyniaid bording ha kane ka kompani bad ruh halor ka jingdawa ban pynshai paitbah shwa iaka rukom treikam jong kane ka kompani khnang ban pynthikna ba kan nym don kano kano ka jingkhniot bein ia ki paitbah jongka Thain.
Ka seng ha ka jingshisha naduh ka 28 tarik jong u bnai ba lah dep ka la leit ban iakynduh ia u Chief Engineer (Commercial) jongka MePDCL ha Lumjingshai, Shillong ha kaba la iakren ba namar ba ka MePDCL ka thmu ban aiti tang ia ki ar tylli ki Sub – Division ha Khasi bad Jaintia Hills kata ia ka Mawkyrwat bad Mawsynram, kumta la dep pynsngew bad dawa ba ka MePDCL ka dei ban sei madan ia ka soskular bad ban pynshai paitbah shwa iaka rukom pyntreikam jongka kompeni nangne shakhmat. La dawa ruh ia ka MePDCL ba ka dei ban lum ia ki Nongialam shnong ha ki lai tylli ki jaka, kata ha Mawkyrwat, Ranikor bad Mawsynram khnang ba ki paitbah bad ki nongialam shnong kin sngewthuh shai la kin pdiang ne kin kyntait ia kane.
Ka seng ka ong shuh shuh ba ha man ba wan ki kompani nabar ka don ruh ka jingrungkam jongki bar jylla bad kane kan kthah iaka kamai kajih hapoh ka thain. Kumta, la dawa na u Chief Engineer ba u dei ban pynthikna ba kan nym don ka jingwanrung kam jongki briew ba nabar lem kumta naka liang jongka seng kam banse ban hap pyrshah ia kane namar kane ka dei ka bynta ban nym lah ban iapein lano lano ruh.
Ka kyrwoh na u samla Michaeil Dingan, Asstt General Secretary ka KSU, ka ong ba ia kine ki jingdawa jongka seng, ka MePDCL ka la kular, haduh mynta kam pat shym la wan lum ia ki nongialam shnong bad ki paitbah ha ki lai tylli ki jaka ba u Chief Engineer u la kular. Ka seng ka dawa namar kata ba ka dei ban wan lum noh iaki paitbah ha shwa ban kut une u bnai bad ban pynthikna ba kin sngap iaki jingeh kiba ki paitbah ki wanrah, lem kumta ka seng kan ai jingkyrshan ba pura iaka M.E.C.F ban pyni da ka kam. Ka Seng ka ban biang ruh iaka jingkyntu jongka M.E.C.F ba ki paitbah kim pat dei ban siew bai ding, ha ka kyrteng jongka FEDCO katba naka liang ka tnad ba dei peit kam pat lah ban pynshai bniah halor kane ka bynta.
|
Phi don ban ong eiei?