Kyrshan ka KSU ia ka Madanrting

Shillong, 6 Naiwieng:
Ka Khasi Students Union, Madanrting Unit ka pynpaw ia ka jingsngewkmen iaka jing shim khia jong ka Dorbar Shnong Madanrting ia ka jingpyrshang jong ki mynder bad ki bar jylla ban ioh long trai shnong, lyngba ka jingpyrshang jong ki ban ioh iaka EPIC. Ka Seng hi ka ai jingkyrshan ba pura iaka Dorbar Shnong ban ialeh ban khang lad ia ka jingwan tuid kyrthep ki mynder sha ka jylla jong ngi, namar kane hi kan sa pynkyndit thiah ia kiwei pat ki Dorbar Shnong ki bym pat sdang ban pyrkhing lyngba ki ain shnong jong ki.
Ka riti synshar jong ka ri India lyngba ka 6th Schedule ka la ai bor kyrpang iaka Dorbar Shnong ban iada bad pynneh pynsah ia la ka jaitbynriew rit paid ha baroh ki liang, namar kata ka seng ka kyrpad iaki bor District bad kumjuh ruh ia u C.E.O ka jylla ban shim khia iaka jing ujor jong ka Dorbar Shnong Madanrting
Kyntang iawai, ka Seng kaba ieng skhem halor ka nongrim ban iada , kynteiw bad pynneh pynsah iaka jaitbynriew kan iai bud dien ia kane ka kam tad haduh ba kine ki mynder ne ki bar jylla kin ym ioh lad ban leh trai Shnong haka jylla hi baroh kawei, ong ka kyrwoh na U bah Mr Banraplang Pyngrope, President Khasi Students Union, Madanrting Unit.