Kyrshan ka KHNAM ia u Conrad

Shillong, 04 Jymmang:
Wat la kam don unit ne tnad eiei ruh sha Garo Hills hynrei ka KHNAM ka la shim ia ka rai ban kyrshan tyngeh ia u Conrad K Sangma ha kane ka elekshon MP shiteng samoi na Tura kaban long ha ka 16 tarik mynta u bnai.
Ha ka jingialang jong ka  party kaba long shen, ka la rai ban phah ka jingkyrshan ba pura sha u kyrtong ka NPP, u Conrad K Sangma u ban ia ai reng ha kane ka elekshon shiteng samoi na Tura sha Lok Sabha ka ban long shen, la ong u General secretary ka KHNAM Bah Batkupar Wahlang ha ka jingpynlait kyrwoh.
U la ong ba ka KHNAM ka kyntu ia ki nongthep vote ka Tura ban ai ka jingkyrshan ba pura ia une u kyrtong ka NPP, bad kyrmen ba u Conrad K Sangma un ioh ia ka jingjop bad ngi kyrmen ruh ba kane ka jingjop kan long ka jingkyrmen ia ka jylla hi baroh kawei haka ba bun ki liang.