Kyrshan ka HNYF Mawshynrut ban khang thied par dewiong ki dkhar

Shillong, 7 Naiwieng:
Ka seng HNYF Maw shynrut Circle ka ai ingkyr shan ia ka Joint Action Committee (JAC) hapoh ka lama jong ka Lyngngam Indi geneious Federation (LIF) kaba lah don lang da ka seng FKJGP, KSU, SALA, ALGA bad ka SNSS na ka bynta ban pyrkhat bad pyrkhing noh ia ka jingwan rung kyrthep jong ki mynder bad ban khang noh ia ki bar jylla ban thied jaka ia ki jaka ba pynmih ia u dewiong.
“Ka seng ka pynpaw ka jingsngewsih kaba kthang halor ki jingbun jong ki mynder hapoh kane ka thain bad kaba la pynlong ia ki ban pynduh ne knieh noh ia ka jakpoh jong ki trai jaka kiba im jakpoh da kaba trei bylla hynrei mynta ka jingbun jong ki bar jylla ki la knieh noh bad ki la leh trai ruh ma ki” la ong u General Secretary ka HNYF Mawshyrut u Bah Evening Nongsiang katkum ka kyrwoh khubor.
U Bah Evening Nongsiang ruh u la ong ba ki sngewlynngoh ia ka jingsngap mynthi jong ka sorkar ba la lam khmat da u Mukul Sangma halor ka jingdawa jong ki sengbhalang ia ka ILP.
U la ong ba ka ILP ka long shisha ka dawai bah na ka bynta ka jingwan tuid ki mynder, ka seng ka dawa ba ka sorkar kadei ban pyntreikam noh mardor ia ka ILP ym da ka Tenancy ACT kaba pynshlur ne ai mynsiem ia ki mynder.