Kyrshan ka FKJGP ia ka jingialang paidbah U Bah Ardent lashai ka sngi

Shillong: Ka Federation of Khasi Jaintia Garo People ka la pynmih ia ka kyrwoh na u Bah Dundee C Khongsit General Secretary ka FKJGP, ha kaba ka pynpaw ia ka jing kyrshan kaba pura ia ka jingialang paidbah ba la khot da U bah Ardent M Basaiawmoit ka ban long lashai ka sngi ka 6 tarik Rymphang 2020 ka ban long ha Madan student ban ia kren halor ka mat kong ka CAA,ILP bad ka jingthmu ban dawa na ka Sorkar India haba iadei bad ki ain ban iada kyrpang ia ki kum ka Jaitbynriew ka Seng ka shem ba dei lyngba ka lynti jong ka sur jong u paidbah kiei kiei baroh kin urlong ki jing dawa jong ka Jaitbynriew.

Na ka liang jong ka FKJGP Seng ka iawer lem ia baroh ki paradoh parasnam Jong ka jylla ba kin sngewbha ban ia mih ryntih lang ha kane ka Sngi bad kum juh ruh ia ki dkhot jong Seng khnang ba da kawei ka sur, yn kyntu bad pynpaw sha ka Sorkar India ba ka dei ban ailad iangi kum ka jylla ba ngin don la ki Jong ki aiñ ban iada kyrpang iangi kum ka jaitbynriew.