Kyrshan ILP ka KSU, Barak Valley

Shsillong, 3 Naiwieng:
Ka Khasi Students’ Union Barak Valley Circle ha ka kyrwoh khubor ba la pyllait da u Publicity Secretary ka Seng, U Samla Trusting Shylla kala pynpaw ia ka jingai jingkyrshan ba pura ka jong ka ia ka jingiakhih ki sengbhalang bapher bapher haka jylla Meghalaya naka bynta ban dawa jur naka sorkar ban pyntreikam (Implement) iaka Inner Line Permit hapoh ka jylla.
Ka Seng ka larai ban ai jingkyrshan ba pura iaka jingiakhih ban dawa
pyntreikam iaka ILP ha Meghalaya hadien ba ka la iohi baka jingiakhih jong ki Sengbhalang ka long kaba shongnia bad kaba deihok naka bynta ban iada iaki jaitbynriew ritpaid naka jingwantuid kyrthlep jong u mynder ri.
“Ngim kwah ban iohi ba ki paradoh parasnam jong ngi kiba don haka Ri
Hynniewtrep kin kylla long ki ritpaid kumba long kiwei pat ki para riewlum kiba don hangne hapoh Barak Valley Assam bad ha ka Jylla Assam hi baroh kawei kiba la shah tyllep haki khar Bangali kiba na Sylhet Bangladesh wat haduh ba naka liang ka tnad Election Commision kamnud shuh wat tang ban issue iaki EPIC ruh ha kane ka jylla”ong ka kyrwoh na u Publicity Secretary ka seng.
“Ngi kum ki paid Khasi kiba la kha la pun hangne hapoh ka Jylla Assam ngim don jingeh ne jingsngewpher ban pynbiang ki kot ki sla lada ngi leit kiew sha Meghalaya ynda la pyntreikam iaka ILP, namar ngi tip shai ba ka dei kum shibynta ban iada iaki jaitbynriew ritpaid trai jylla” pynkut ka kyrwoh.