Khliehriat: U Deputy Commissioner ka East Jaintia Hills District U Shri F.M. Dopth IAS ha ka kyrwoh ba u la pyntip sha ngi, u la pyntip ba kumba baroh ngi la tip ia ka jingjia ba sngewsih kaba la jia haka 13.12.2018 tarik ha Ksan, Briwar Elaka Nongkhlieh, ba kumba 13 ngut ki nongtrei bylla dewiong ki la ngat ha ka apot jingdap um hapoh ki krem Dewiong bad ki la sah kut shapoh ki krem dewiong haduh kane ka sngi.
U la pynbna ruh ba ka bor pyniaid District ryngkat bad ka Sorkar Jylla Meghalaya ka la shim ia ka lad ban pyllait im ia kitei ki 13 ngut ki lanot lyngba ka jingiatrei lang jong National Disaster Relief Force ka State Disaster Relief Force, ka Civil Defence, ki pulit bad ki mining expert ki ba nabar jylla ban ai ka jingiarap ia kitei ki lanot kiba la shah tap ha ka um hapoh ka krem dewiong.
U Deputy Commissioner U la ia wer bad kyntu sngewrit ia baroh ki Malik bad ki Trai jong ki Par Dewiong ba kin ai ka jingiasnoh kti lang da kaba kin phah ia ki Sordar, Ki nongbylla ba ju pyndonkam bad ban wanrah ki Generator, ki Motor, ki Pipe, ki tiar ba pyndonkam ha ka ban tan ia ka um na katei ka krem dewiong ha Briwar. Kumta U la Kyrpad jur ia baroh ba kin ai ka kti ka jingiarap lem ha ka ne ka liang.
U Deputy Commissioner u la pynkut da kaba kyntu ia kito kiba sngewlem da kaba u pynpaw ba ki lah ban phone ia u Addl. Deputy Commissioner bad u District Disaster Management Officer ha kine ki number9436106342, 9774124321 khnang ba yn lah ban leh ia kiba donkam.