Kyrpad ka RBYF ia ka MeECL, ban pynbiang bording ha ka World Cup

Nongpoh, 10 Jylliew:
Ka Ri-Bhoi Youth Federation (RBYF), Um song Unit, lyngba u president jong ka, u Samla C Thangkhiew ka la kyrpad ia ka MeECL ba kan pyntikna ba ka bording kan meh beit khlem don jingdkoh ha ki sngi ba don ka jingialehkai ki Ri ha ka pyrthei, ne ka lympung Football World Cup.
U Samla Thang khiew u la ong ba ka bor ding ha Umsong bad ki thaiñ ka Western area ka long kaba tlot palat haduh katta katta bad don lei lei ba ki shnong ki thaw ki duh wat ia ka jingshai ka bording elektrik, kaba la wanrah jingeh ia ki paidbah nalor ba ki hap ban siew ia ka bai elektrik ha ki ïing ki sem, ki hap ruh ban siew ia ka bai mombati ne sharak ha ki sngi ba lip ka ding elektrik.
Kumta na ka bynta ka jingkwah jong ki paidbah ban sakhi da la ki jong ki khmat ban iohi lyngba ki television ba ki don ha la ki ïing ki sem, ka RBYF ka kyrpad ia ka tnat bording ban pyntikna ba katei ka bording kam dei satia ban lip ha ki miet ba peitkai World Cup.
Ha kawei pat ka liang, ka RBYF Umsong ka ai khublei kitbok kitrwiang ia baroh ki khynnah pule kiba la pass bha shakhmat ha ki jingiakhun jong ki ha ki eksam bapher bapher, bad ka seng ka pynkynmaw ruh ba kan sa ai Award shen sha kito kiba la wan shakhmat ha ki eksam katkum ki kyrdan ba ki la pass.