Kyrpad ka NSUI, ia U MR ban weng bai wai iing ia ki samla pule

Shillong: Ka National students union of india Jaintia hills unit ha ka jingialam u President Mr Hamewanpynhun Ryngkhlem, ka kyrpad ia u myntri rangbah, da ka shithi, kaba ha ka 20tarik Iaiong, ban weng noh ia ka bai iing wai ki khynnah skul ba pule hapoh ka jylla ha kum kane ka por lockdown namar ba ka ktah lane ka long ka jingeh ia ki kmie ki kpa jong ki khynnah skul khamtam kito ki ba im da kaba bylla sngi namar ka lockdown ban iakhun pyrshah ia u khniang jingpang covid 19.

Kumta la kyrpad ia ka sorkar ban kyntu ia ki trai ing wai ba ym dei ban shim bai ing wai ha kum kane ka por lockdown.
Shuh na ka liang u President u la kyrpad ia ka sorkar ban shim khia ia kane ka mat ba lada jia ba ki khynnah skul kim lah ban siew ia ka bai ingwai hadien ba la kut ka lockdown ka sorkar ka dei iarap ia ki khynnah ban siew ia ka bai ingwai.