Kyrpad ka JNU ia ka High Court

Shillong, 22’lyngkot:
Ka Jaintia National Union (JNU) seng kmie ha ka kyrwoh ba la pyllait da u President ka seng u samla Niman. N  Shadap, ka seng ka la kyrpad da ka mynsiem jingsngewrit ia ki bor jong ka High Court ba kan sngewbha ban ailad biang sa shisien ia ki Rangbah Shnong kumba ju long ha baroh shi katta. Ka la ong ba ka seng kam kwah ia ki rangbah shnong ba kin duh noh ia ka bor jong ki, namarba lada ki rangbah shnong kim don shuh ha ka bor yn ym don nongpeit ia ka shongsuk shongsain hapoh ka shnong ka thaw bad ki jingeh jong uwei pa uwei u nongshong shnong hapoh ka bri u hynniewtrep hynniew wasa.
Ka JNU ka kyrpad jur haduh katta katta ia ka High Court ba kan sngewbha ban map ia ki namar ba kim tip kaei kaba ki leh, wat thew ia ki jingduna jong ki pyrkhat na ka bynta u paidbah bad sngewbha ban wad ki  lad ki lynti ban plie lad biang ia ki sa shisien, ong ka kyrwoh.