Kyrmen ki NPP, ban ioh myntri U Purno, ha ka 26tarik

Shillong, 21 Jymmang:
Ha shwa jong ka jingpynbamsmai myntri, ha ka sorkar India, ha ka 26tarik Jymmang, ka don bha, ka jingkren ai jingkyr men jong ki nongialam jong ka seng National Peoples Party (NPP), kaba la ialam da U PA Sangma, ba utei u nongia lam jong ki, un long u myntri jong ka sorkar India, ha ka sorkar thymmai jong ka BJP, ka ban ialam da U Narendra Modi

Wat la ki lad khubor, kim da kren shai, ba ka BJP, kan kynthu lang ne em, ia mynta ia ki paralok jongka, kiba don ha ka NDA, ha ka kynhun sor kar, hynrei, la shim, ba ka BJP, kan donkam bha ia U Purno Sangma, kum u nongialam jong ka dong shatei Lam Mihngi, na ka bynta ban nang pynkhlain ia ki ktem jongka, sha ka dong shatei lam mihngi bad kumta, lada ka ailad ia U PA Sangma, khlem pep, kan lah ban khmih lynti, ba kan nang lah ban leh bha, ha ki Jylla shatei Lam Mihngi, kum ha Assam, ka ban dei ban leit sha ka elekshon ha u snem 2016, nangta ha Meghalaya bad ha kiwei de ki bynta jong ka Thain

Wat la katei ka khubor, kam pat thikna bha haduh mynta ka sngi, hynrei uwei na ki nongialam jong ka NPP, haba iakren bad u nongthoh khubor, ula ong “Ngi sngew ba un ioh ban rung ha ka sorkar jong U Modi”

Kiwei pat ki lad khubor ki iathuh ba ha ka jingleit iakynduh ia U President hynnin ka sngi, la sngewthuh ba U Modi, u ialam tang iaU Neiphiu Rio myntri rangbah ka Nagaland bad um shym la ialam lang satia ia U PA Sangma, ha katei ka jingleit