Kyrmen ki nongialam Khristan, ban jop ka iakren iasuk bad ka HNLC

Shillong:Ka Khasi Jaintia Christian Lea ders Forum (KJCLF) ka pynpaw ia ka jing sngewbha halor ka jingpynbna jong u Myntri Rang bah ba ka jingiakren iasuk hapdeng ki Lai Kynhun kan sdang ha u bnai Jylliew 2023.

Na ka bynta ki nongshong shnong ha ka Jylla, ka jing thrang bad jingwad ia ka Jingsuk ka la long kaba jlan bad kaba thohdak ha ki bun rukom. Ka KJCLF ka ithuh bad burom ia ka jingjam kaba khraw bad ka jingiaid kaba skhem jong ka HNLC ryngkat ruh bad ki artylli ki kynhun kiba iadon bynta, bad ka duwai na ka bynta ka jingjop jong kane ka jingpyrshang kaba donkam.

Wat haba lah don bun ki jingpruid lynti ha ki snem ba lah dep, ka Forum ka kyrmen ba kane ka Jingiakren Jingsuk ka ban sa long shen mynta kan wanrah ia ka jingkut kaba don ka jingthmu ba shai jingmut bad kaba ka jingkdup jong ka kan kynthup ia ka Jingsuk, ka Hok, ka Jingshngain bad ka Jingiada ia ki jaka ki puta ha ka Ri jong ngi bad baroh ki nongshnong shnong jong ka, ong ka kyrwoh na u Rev Dr Edwin H Kharkongor, Secretary, KJCLF.