Kyrkhu ïingmane, ka Balang Catholic jong ka Marshan Namlang

Nongstoiñ:Ka Ïingmane jong ka Balang Cathlolic kaba don hapoh ka shnong Marshan Namlang kaba hap ha ka St Mary’s Parish Rangblang la ïoh ban kyrkhu mynha ka sngi u Blei jong ka taiew bala lah ka14 tarik u Naiwieng.

Ia katei ka jaka ban shna ia katei ka ïing mane la ai sngewbha sha ki Father Salesian da ki kur Sohshang bad kiba la iadon bynta ban tei ia katei ka ïing mane ki kynthup u MLA ka Nongstoiñ u Bah Macmillan Byrsat, ki salesian co-operators na Pyndengrei bad na Mawlai ryngkat ki riew shimet.

Ha katei ka jingkyrkhu ïingmane la ïadonlang u Fr. Vice Provincial ka Shillong Province SDB, u Fr. Alphonse Rongrin SDB parish Priest, u Fr. Marius Thongnibah SDB u ba dei u trai shnong bad u ba peit bad khmih ia ka jingshna ia katei ka iingmane u ba dei ruh u Parish Priest ka St Peter’s the Apostle Parish Pyndengrei.