“Kyrduh masi ba shalan sha Bangladesh”

Shillong 20 Naiwieng:
Ka seng ki nong otdoh Masi ka Khasi Jaintia Butchers Welfare Association (KJBWA) ka la ong ba ka jingshalan tuh ia ki masi sha ri Bangladesh lyngba ka khappud ka Meghalaya ka la pynkyrduh masi ha kane ka jylla.
Ha ka jingpynlait khubor, u publicity secretary ka KJBWA u bah Wankerlang Lamare u la ong ba “Ka jingioh lad ban shalan masi tuh sha Bangladesh kala pynduna shibun na ka bynta ki trai jylla kiba im sngi na kane ka kam”,.Ha kajuh ka por, u la ong ba kan long kaba jingsngew kmen ban iohi ia ka jingtrei shitom jong ka tnad pulit ban leit khang bad ban kem ia ki briew kiba donkti ha kane ka kam shalan masi tuh sha Bangladesh.“Katkum ka jingmih khubor ha kine ki taiew, ki pulit kila ioh bat ia ki briew kiba leh ia kane ka kam ban shalan masi sha Bangladesh lyngba ka thain Pynursla, Muktapur, Shella, Nongjri, Tamabil bad na kiwei ki khappud ka jylla”, la ong u Bah Lamare bad u la bynrap, “Ngi sngew kmen ban ioh sngew ia ka jingkitkhia jong ki pulit ka Pynursla kiba trei shitom ia ka kam ba la bynshet kum ki nongiada ia ka ain”,.