Ka jingshit tasam ha kine ki sngi, ka la pyniap ia bun bah ki briew ha Ara District jong ka jylla Bihar bad katei ka jingbun bah ki nongiap, ka la buh jingeh ruh, ba kin ioh dieng ban thang ia kitei ki met iap.
Ha Mahuli Ganga Ghat, kaba don ha Baddhra Block jong ka Ara, ka la pynkynmaw ia kiba bun, ia ka jingkyrduh dieng iap, kumba ka la jia ha ki por jong ka khlam covid bad ki nongdie dieng, ki iathuh ba ka jur bha ka jingdonkam dieng iap, ha kine ki khyndiat sngi ba ladep.
Ki bor district, ki kam, ba ki don tang 5ngut kiba iap, na ka jingshit jur, ha kine ki sngi, hynrei ki riew paidbah, ki iathuh ba ki don bun bah kiba iap ha ki hospital, kiba leit shah sumar bad ka jingduna dieng thang, ka pyni, ba ki don bun bha kiba iap, ha ki khyndiat sngi ba ladep.
Ka jingshit ha kine ki sngi, ka poi sha ka 45 degree Celsius ha Bhojpur. U Dr Rishi, u doktor ha Ara Sadar Hospital, u iathuh ba ki don kumba 15 haduh 20ngut ki briew kiba iap ha ka shisngi shingi bad la iathuh ba kiba pang shit, ki poi sha ka 40 haduh 50ngut kiba leit shah sumar ialade ha Sadar Hospital.
Ha Saraiya Bazaar, kaba dei ka jaka, ba ki ju thied dieng, ha shwa ban thang ia ki met iap harud ka Wah Ganga, ki nongdie diengiap, ki iathuh ba ki briew, ki ieng ha u lain uba jrong, ban ap ia la ka jong ka pali ban thied dieng iap bad la iathuh ba ka jingdonkam diengiap, ka long 5 kwintal, ban thang tang ia kawei ka met iap jong u briew.
ki nongshongshnong ka Bihar ki la dei ban peit nuksa na ka khnap thang briew kaba don ha jowai meghalaya…kane ka rukom thang briew da kane ka khnap ka pynduna ban donkam dieng haduh katta katta…
Lah dei ban ai jingmut ban thang noh da ka electric kum ha Meghalaya.