Kyntu U MR ia ki paidbah ban nym khuslai halor ki mar bam

Shillong: U myntri rangbah ka jylla Meghalaya u Conrad K Sangma mynta ka sngi u la kyntu ia k paidbah ka jylla ba kim dei ban khuslai haba dei bad ki marbam namar ka sorkar ka la pynkhreh ban pynpoi ia ki marbam ha man la ki jaka ha kane ka por ba don ka jing khang shnong ne ka ‘lock down’ ba 21 sngi ha baroh ka ri India.

U Conrad K Sangma u la ong ba ka sorkar Meghalaya ryngkat ka jing iatreilang bad ki bor district lem bad ki nong synshar shnong ka la pynkhreh ia ki lad ki lynti na ka bynta ban pyn poi ia ki marbam sha man la ki dong, ki shnong ki thaw jong ka jylla baroh kawei.

Nalor kane u myntri rangbah ka jylla u la kyntu ruh ia ki paidbah ban burom ia ka jing khot pakhang shnong ka sorkar India na ka bynta ban tehlakam ia ka jing saphriang ka jing pang ‘Corona Virus’ hapoh ka jylla. U la ong ba ka jing khot pakhang shnong ka sorkar kan nym seisoh lada ki padibah ki ia mih shabar ban iaid kai ne leit ia kynduh paralok.

“Ka la don ka jing ia mih paidbah na ka bynta ban ia thied marbam ha ka por ba la pyn jynsur ia ka ‘lock down’, namar kane nga kyrpad ia ki paidbah ba kim dei ban khuslai halor ki mar bam namar ka sorkar kan sa pynpoi ia ki ha man la ki shnong” la bynrap u Conrad K Sangma.
Na ka meghamart, bad vishal lah ban order marbam online
Kum shibynta pynpoi ia ki marbam sha man la ki ing, ki paidbah ki lah ban shu order online na ka sotre.meghamart.com ban ioh ia ki marbam kum u khaw, ka umphniang, shine bad kiwei kiwei de.
Ki paidbah ki lah ban siew da ka pisa ne ‘online payment’. Ka meghamart kan sdang treikam hapoh nongbah shillong naduh 27 tarik lber 2020 bad ha Tura bad ha Jowai kan sdang treikkam naduh 28 tarik lber 2020. Ka vishal ruh kan sdang treikam noh online ban pynsuk ia ki paidbah ban ioh ki marbam ha la ki ing.
Kyntu u CS ka jylla sha u CS ka Assam ban screen ia ki dribar trok. U chief Secretary ka jylla Meghalaya u M.S Rao mynta ka sngi u la thoh shthi sha u Chief Secretary ka jylla Assam u Kumar Sanjay Krishna ban kyntu ia ka sorkar Assam ban screen ia ki dribar trok kum shi bynta ban phikir halor ka jing saphriang ka jing pang corona virus.
U M.S Rao u la kyntu ruh ia ka sorkar Assam ba kadei ban ailad ia ki kali kit marbam ki ba iaid lyngba ki district jong ka jylla Assam khamtam kum hakane ka por ba pakhang shnong ha baroh ka ri India. Na ka liang u M.S Rao u kyntu ba ki bor sorkar ka jylla Assam lem bad ka tnat ka koit ka khiah ki dei ban eksamin bha ia baroh ki briew ba rung sha ka jylla na ka bynta ban phikir ia ka jing pang corona virus.