Shillong: U MLA ka Maw synram konstitwensi u bah HM Shangpliang mynta ka sngi u la kyntu iaka sokar Meghalaya ban ai jing kyrshan iaki doctor, ki nurse, ki nongtrei ASHA bad ki pulit kiba la trei shitom naka bynta ban iakhun pyrshah ka jing pang ‘corona virus’ hapoh ka jylla.
“Naduh ba ngat ka khlam ‘COVID-19’ ha Meghalaya, ngi lah iohi hi baki doktor ki nurse kumjuh ki nongtrei ASHA kila trei shitom bha ban tehlakam iaka jing pur ka jing pang ‘corona virus’, namar kata ka sorkar kadei ban ai jing ithuh iaki baroh daka ba siew bha iaka tulop khnang ba ki nang iai trei shitom shuh shuh naka bynta ka bha ka miat ka jylla baroh kawei”.
Kumban shu pyn kynmaw dang shen ki nong trei ASHA kila byrngem ban sangeh trei shipor namar ka jing bym ioh thikna iaka tulop jong ki.
Naka liang u bah HM Shangpliang u la pynsgew ruh baka sorkar kadei ban ai jing kyrshan ruh iaki pulit khamtam ki pulit ka tnat ‘Home Gaurd’ kiba la trei shitom ban ai jing sngain iaki paidbah ka jylla baroh kawei.
“Ha ki por lockdown ki pulit bad ki pulit ka ‘Home Gaurd’ bad ka long kaei kaba sngewsih ban tip baki ki pulit ka ‘Home Guard’ kim biang iaki tiar iada kum ki jing iada kti ‘Gloves’ bad ka jing ioh tulop jong ki ruh ka long tang 511 tyngka shi sngi” la bynrap u bah HM Sshangpliang.
Naka liang u MLA ka Mawsynram u bah HM Shangpliang u la ong ruh ba bunsien la iohi haki lad pathai khubor halor ka jing nohsynniang ki riew shimet ne ki heh saipan kiba noh synniang sha ki pulit, hynrei haduh mynta ym pat ju lap ba don kiba nohsynniang sha ki pulit ka ‘Home Guard’.
Naka bynta ki grade IV ruh