Shillong: Ka tnat ka koit ka khiah mynta ka sngi, ka la kyntu ia ki paidbah ban phong da ki jing iada shyntur lane ki ‘mask’ lada mih shabar ing. Ka tnat ka koit ka khiah ka la mana ruh iaki paidbah ban biah pathar ha ki jaka paidbah.
Nalor kane ka tnat ka koit ka khiah kala mana ruh iaki paidbah ban dih duma ne cigarettes ha ki jaka paidbah bad la kyntu ruh ia ki paidbah ban kiar naka jing ialum paidbah lane ban ieng 6 phut haduh 2 meter na kiwei pat.
Na ka liang ka tnat ka koit ka khiah ka la kyntu ia ki paidbah ban bud ryntih ia ki kyndon kum shi bynta ban tehlakam ia ka jing pur ka jing pang ‘corona virus’ hapoh ka jylla.
Kumban shu pynkynmaw u symbud myntri rangbah ka jylla u bah Prestone Tynsong dang shen u la ong ba ka sorkar kan pynshitom tyngeh iaki ba pynkhein iaka ‘Quanrantine’ bad ia ki ban pynkhein ruh ia ki kyndon ka tnat ka koit ka khiah haba dei bad ka jing tehlakam ia ka jing pang ‘corona virus’.
Phi don ban ong eiei?