Kyntu ka NSUI ia ka sorkar ban pynpoi ka met u samla

Shillong: Myn hynnin ka sngi ka National Student Union India (NSUI) ka la thoh shithi sha u myntri rangbah ka jylla u Conrad K Sangma ban wad bniah ia ka jig shisha halor ka jing shim noh u samla Aldrin Lyngdoh ia la ka jing im ha ka jylla Uttar Pradesh bad ban kyntu ia ka sorkar ban pynpoi ia ka met u samla sha la ing.

Na ka liang ka seng ka kyntu ruh ia ka sorkar Meghalaya ban wad jing khein halor ka jing don ki samla ka jylla sha kiwei pat ki jylla ka ri India kiba trei ha ki kompany bapher bapher.

Ka NSUI Meghalaya unit ka kyntu ruh ia ka sorkar Meghalaya ban ia treilang lang bad ki sorkar jylla jong kiwei pat ki jylla hapoh ka ri India na ka bynta ban ai jing iarap lem ia ki samla ka jylla kum ha kane ka por ba pakhang shnong ne ka ‘lock down’ ha baroh ka ri India.