Kyntu ka KJDSTA ban siew ia ka tulop ki nonghikai

Shillong:U President ka Khasi Jaintia Deficit School Teacher Association (KJDSTA) u bah Babu Kular Khongjirem mynta ka sngi u la kyntu iaka sorkar Meghalaya lyngba ka tnat pule puthi ban siew noh iaka tulop ba sah jong ki nonghikai.

U bah Babu Kular Khongjirem u la pynpaw baka seng ki nonghikai ka KJDSTA ka sngew iahap bad ka rai ka sorkar Meghalaya ban pynslem ia ka tulop ki nongtrei sorkar kum shi bynta ban pyllang Pisa ban iakhun pyrshah ka jingpang ‘Corona Virus’ hapoh ka jylla.

U Babu Kular Khongjirem u la ong ruh ba ka seng KJDSTA ka kwah ban pynkynmaw iaka sorkar Meghalaya iaki tulop ki nonghikai khynthup iaki Deficit, Arrear bad ki DA’s. U bah Babu Kular Khongjirem u la ong ruh baka sorkar kadei ban siew ruh iaki bai bam tymmen khamtam kum ha kane ka por ba don ka jing pakhang shnong lane ka’Lockdown’ ha baroh ka ri India. Ka KJDSTA ka kyntu ruh ba ka sorkar Meghalaya ka dei ban shim khia ia bun ki jing dawa ka seng hadien ba kut noh ka jing iakhun pyrshah ka jing pang ‘corona virus’.