Kyntu ka KJDSTA, ban shim jingmut na ki nong pyniaid skul

Shillong:U President ka Khasi Jaintia Deficit School Teacher Association (KJDSTA) u Babu Kular Khongjirem myn hynnin ka sngi u la kyntu iaka sorkar Meghalaya kynthup iaka tnat pule puthi ban shim jingmut ruh naki nong pyniad skul lane ki School Managing Committee (SMC) haba dei bad ka jing thmu ban plie biang ia ki skul hapoh ka jylla.

“Ka KJDSTA ka burom ia ka sorkar kaba la ia shong lang bad ki nongialam niam naka bynta ban ia phylliew jingmut haba dei bad ka jing thmu bad plie biang ia ki skul, hynrei ka sorkar kadei ban shim jingmut lang naka SMC namar ki dei maki ba kham tip bha ia ki skul” la bynrap u Babu Kular Khongjirem.

Na ka liang u president ka KJDSTA u la ong ruh ba ki nongialam skul lane ki SMC ki don jing tip bha haba dei bad ki khynnah skul lane bad ki kmie ki kpa bad kane kan iarap shibun iaka sorkar naka bynta ban shim ia kano kano ka rai naka bynta ki skul.
U Babu Kular Khongjirem u la kyntu ruh iaka sorkar ban shim jingmut lem naki kmie ki kpa bad naki ba trei haki skul kynthup naka tnat pule puthi ne naki riew paidbah kiba don ka jing kit khlieh naka bynta ki skul hapoh ka jylla.