Kyntu ka JHADC ia ki Rangbah Shnong ba la kut por ban iai bteng

Jowai:Ka Ophis jong ka JHADC lyngba ka Administrative Officer ka la ong ba bun ki rangbah shnong mynta ki la kut bad kiba la jan kut ka por jong ki ban bteng ia ka kam kum ki rangbah shnong, hynrei ka la kyntu ia ki ba kin iai bteng ia ka kam kum ha kane ka por ba hiran ka pyrthei na ka Lockdown ban iada ia ka jingpur u khniang jingpang Covid – 19 tad haduh ba ka Administrative Branch jong ka District Council kan sa ai notice ban ioh ban pynlong ia ka Election jied Rangbah Shnong katkum ki kyndon jong ka JHADC ha kaba iadei bad ka jingjied ia ki Rangbah Shnong.