Kynton ki bos jot ka JNNURM ha Mawblei

Shillong, 23 Jylliew:
Ka jingshong shit ka sorkar jylla ban pyniaid ia ki bus saw JNNURM ba ioh na ka sorkar pdeng kan kynduh jingeh namar ba bun kiba la sniew bad shu kynton ha jaka set ha kiba bun ki jaka kum ha Mawblei, Mawpat, Mawlai bad ha kiwei ki jaka jong ka khapsor.
Ka CSWO ka la buh jingkylli ia ka sorkar, hato ha Mawblei ka dei ka jaka ieng jong ki bus saw sorkar. Ka President ka CSWO ka Kong Agnes Kharshiing ka la ong ba ka tnad Sor ka jylla ka la thmu ban thied shuh shuh ia kine ki bus saw hynrei kaei pat ka leh ia kiba sniew haba iaid tang katto katne por.
“Katno kine ki bus saw ki kamai bad katno ka  sorkar ka ioh kamai, lada katei ka jaka kynton ia ki bos saw ha Mawblei ka dei ka jaka set kali, ka dei kawei na ki kam bamsap”, la ong ka Kong Kharshiing.
Hato ka sorkar kan shu peit kai ia ki bad ka plan shuh ban thied biang haba kam lah ban pyniaid ban pynbha ha ka rukom kaba dei, la ong ka CSWO. Ia kine ki bus la bei pisa da ka Asian Development Bank (ADB). Lah ban kdew ba ka sorkar ka la ai pyniaid ha ki kynhun shimet ia kine ki bos saw bad ki kali rit ban kamai ban kit ia ki nongleit nongwan ha ka nongbah Shillong bad khap sor. Katkum ka jingtip bun na kine ki bos saw bad ki kali rit ki la sniew bad la shu pynshongkai bad kynton khlem pynbha shuh.
Ia ka jingmih na kane, la iasam hapdeng ka sorkar bad ki nongshim wai hynrei ka jingkylli ka mih balei kim shna haba ki sniew bad shaei ka pisa ba ka sorkar ka la iohlum, ka leit.