Kyntiew saian ka ophis BDO Amlarem

Shillong, 17 Jymmang:
Ban kyntiew ia ka jingstad saian hapoh ka Amlarem Block, ka ophis jong u block Development Officer Ma B.Su ngoh ha ka jing ia trei lang ka District Planning Jowai ka la pynlong ia ka Block Level  Science and Environment  Fair ha Enovel Hall Amlarem West Jain tia Hills District dang shen.
U MLA ka thain u Ma Stephanson Mukhim u la plie ia kane ka prokram  ba don lang u BDO u Ma B.Sungoh, kong B.Blah M.C.S , u Dr.D.Lyngdoh, ki nonghikai, ki khynnah skul, lem bad ki wei ki wei pat. Ha kane ka sngi ka Block Level Science and Environment  Fair  la wan ia shim bynta lang kumba 10 tylli ki skul ki ba hap hapoh ka Amlarem C& RD Block. Ha kaba ha kane  ka 15 tarik la don ruh kiba ia kop kyntip, bad ka Science exhibition , ha kaba ki khynnah  ba iashim bynta ki la batai bniah ruh kat kum ki model ba ki la wanrah.
Ha kane ka ing ia kop kyntip, ia ki jingkylli la kylli da u ma S.Lyngdoh ia baroh artylli ki group kiba kynthup ia ka Group A bad Group B, ki khynnah ruh ki la pyrshang katba lah ban ai ia ka jubab kaba dei khnang ba kin ioh ia ka jing jop naka bynta ban mih khmat sha ka Dstrict Level .
U  Ma Stephanson haba u ai jing kren ha kane ka sngi da kaba u kyntu ia ki khynnah skul ba kin long ki ba minot thop ha ka pule ka puthi kumjuh ruh ban long ki khynnah ki ba wad bniah ia kiei kiei khnang ba ma ki ruh kin long ki Sciencetist, da kaba u ai nuksa ruh ia u Sir Isaak Newton.
Ia ki khusnam sha ki nongjop la sam da u ma Stephanson , haba iaka nam jop ba nyngkong ka ka iakop kyntip, group A la ioh da ka Sohkha  Govt.Higher Secondary School ,kaba ar da ka Amwi Jarain  Secondary School bad kaba lai da ka Amwi Secondary Shool Thangbuli.
Na ka group B , ba ia ka nam ba nyngkong la ioh da ka Amwi Jarain Secondary School , kaba ar da ka Syndai Upper Primary School , bad ia kaba lai la ioh daka Trangblang Govt.upper Primary School .
Haka ba iadei bad ka ia kop Science exhibition , ba ia ka nam ba nyngkong  la ioh da ka Amwi Jarain Secondary School , kaba  ar daka  Amlarem Secondary School , bad kaba lai la ioh da ka Sohkha Govt.Higher Secondary School.