Kyntiew kyrdan Deficit ia baroh ki adhoc School, ong ka FASTOM

Shillong:Ki dkhot ka Federation of All School Teachers of Meghalaya(FASTOM) ki la ia kynduh ia u Education Minister jong ka Meghalaya, U Rakkam A Sangma ha iing sah jong u ha Bivar Road Shillong, ha ka step jong ka 18tarik Lber 2023 bad ha kane ka jing ia kynduh la ioh ban ai ia ka dorkhas, kum ka jing pynkynmaw ia ki jing dawa ba la slem jong ki nonghikai adhoc skul, kata ka long ban kyntiew kyrdan deficit noh ia baroh ki adhoc skul ha Meghalaya naduh LP haduh Higher Secondary School.

Ka Federation ka la ioh ruh ban pynkynmaw ia ka jingpyntreikam noh ia ka 5 percent increment, manla ka snem bad kumjuh ban pynjlan ia ka rta shongthait jongki nonghikai adhoc na ka 60 sha ka 65 snem. Ha kane ka jing ia kynduh,u myntri ka tnad pule puthi, u la kular ban peit bniah bha ia kane ban wad ia ki lad ki kynti ban pynurlong ia ki jingdawa ba shong nia jong ki nonghikai.