New Delhi: U Narendra Modi, myntri rangbahduh, mynta ka sngi, ula kynthah jur, halor ka jingkren jong U Vilas Muttemwar, uba dei u myntri barim jong ka sorkar India, da kaba ong ba katei ka jingkren, ka dei ka nuksa jong ka sain pyrthei, kaba dei na kajuh ka longiing.
U Vilas Muttemwar
Ka jingkren jong u myntri barim ka sorkar India, U Vilas Muttemwar, ka long “Mano ba tip ia U Modi, ha shwa ba un long u myntri rangbaduh. Wat haduh mynta, ym don ba tip satia tang ia ka kyrteng jong u kpa jongu, hynrei baroh ngi ia tip ia ka kyrteng jong u kpa jong U Rahul Gandhi”.
Ha ka jingialang paidbah mynta ka sngi ha Madhya Pradesh, U Modi, ula ong “Ar sngi mynshwa, uwei na ki nongialam Congress, ula kynthah ia ka kmie jongnga, ka bym ju tip satia ia ka jingmut jong ka sain pyrthei, hynrei imat, kim pat sngewhun, mynta ki kynthah sa ia u kpa jongnga ruh, uba la khlad la 30snem mynshwa. Balei ki kren kumta?”.
“Ngi ngim ju kynnoh pyrshah satia ia ka jinglong shimet jong u briew, ngi kren pyrshah ia ki kam ba ki bat, hynrei balei ba ki Congress, ki kren pyrshah ia ka kmie bad ia u kpa jongnga” ula ong shuh shuh.