Kyntait U Syiem Nongstoin ba ai mynjur ia ka kompeni

Nongstoin, 6 Jymmang:
Hadien ka jingkyn noh ba la mih na ka KHADC ba u Syiem ka hima Nongstoin u la ai NOC ia ka Maheshwari Mining Pvt. Ltd bad ka M/S Triveni Earth Movers Pvt. Ltd, u Syiem ka hima Nongstoin u la kyn tait ia katei ka jingkynnoh bad u la kam ba ka Dorbar hima kam shym la ioh jingtip satia ia ka jingsdang treikam kitei ki kompeni ha Wahkut bad kam shym la ai jingbit satia ia ki.
Katkum ka kyrwoh na u Secretary ka Dorbar Syiem hima Nongstoin u bah A.L Syiem u la kam ba kitei ki kompeni ki la kyrpad sha ka Hima ban ai jingbit ba kin wad nuksa la u don ne em u Uranium ha katei ka jaka, hynrei ka Dorbar ka la kyntait bad ka la phah ia ka jingthoh jong ki sha ka Executive Committee ka KHADC lyngba ka shithi No.NS-5/L(13)2014-15/09 kaba 30 tarik u kyllalyngkot, 2015 kum ka jingpyntip ban leh ia kaba donkam.
Ha ka shithi u la ong ba la bthah ia kitei ki kompeni ba hadien ba ki la ioh ia ka Laisen khaii na ka KHADC bad kiwei ki kot ki sla ki dei ban pyntip sha ka Dorbar, hynrei haduh mynta kim pat wan ai kot ai sla sha ka Dorbar, bad na ka liang u syiem katei ka hima u la ong ba ka Hima kam don jingtip eiei ia ka jingsdang treikam jong ki.