Kyntait u myntri, ban ong “La yn weng kam ne em ia U DTO Williamnagar”

Shillong:U Symbud Myntri Rangbah ba peit ia ka tnad ka leit ka wan, u Bah Sniawbhalang Dhar, u dang ap ia ka kaiphod na ka tnad pulit halor ka jingshah kem u District Transport Officer (DTO) ka East Garo Hills, ha ki pulit ka Assam halor ka jingkynnoh ba u la donkti ban shna kot ia ki kot ki sla kali.

U DTO ka East Garo Hills, u Gene Kelly G Momin u la shah kem ha ki pulit Assam halor ka jingkynnoh ba u la ai nombar kali pathar sha ki kali ba shu tuh bad sha ki bym ju siew ia ki khajna.
“Lada ka don ka jingtrei bym hok bad don kano kano ka jingujor, ka tnat kan sa leh ia kaba donkam”, la ong u bah Sniawbhalang.

Haba kylli hato ka sorkar kan weng kam shwa ia u, na ka liang u Bah Dhar u la kyntait ban ong la u DTO un shah weng kam shwa shipor, hynrei u la ong ba un ap shwa ia ka kaiphod ban tip ia kaei kaba la jia.